Հավաքականներն ընդգրկված են 2014թ. աշխարհի գավաթի նախընտրական B խմբում: Երկու երկրների ազգային ընտրանիների առաջին հանդիպումը կայացավ Երևանում և ավարտվեց հյուրերի հաղթանակով: Գրանցվեց 0:3 հաշիվը, որը շատ տխրեցրեց հայ ֆուտբոլասերին, սակայն պատասխան հանդիպումը անպատճառ ուրախացնելու է ամբողջ հայությանը: Մերոնք հաղթելու են: Մոտալուտ հաղթանակի մասին են խոսում 3 նախանշան՝
Հրազդան մարզադաշտ - Չեխիայի ընտրանուց հետո մենք հյուրընկալելու ենք Դանիայի հավաքականին: Սկանդինավյան այդ ընտրանին բավականաչափ հռչակ չի վայելում Հայաստանում: Այն հանգամանքը, որ առաջին խաղում նրանց ջախջախել ենք՝ 0:4 հաշվով՝ դեռ վաբական չէ, որ Հրազդան մարզադաշտը «լցնենք»: Եթե մի պահ պատկերացնենք, որ մենք պարտվելու ենք Չեխերին, ապա պիտի նկատի ունենանք, որ այդ դեպքում նույնիսկ Հանրապետական մարզադաշտի կեսը չի «լցվի»: Փաստորեն «երկնքում աստղերն այնպես են դասավորվել», որ Հայաստանի հավաքականը պիտի հաղթի Չեխերին, այլապես անիմաստ է դառնում Հայաստան -Դանիա հանդիպումը՝ հրազդան մարզադաշտում անցկացնելու միտքը: Շատ տոմսեր կմնան տոմսարկղերում, իսկ դա ցանկալի չէ:
Փոխադարձ հարգանքի ու միավորների փոխանակության «ֆենոմեն» Խնդիրը նրանում է, որ Հայաստանի հավաքականը չափազանց ուժեղ թիմ է, որպիսի տանը 0:3 հաշվով պարտվի Չեխիայի ընտրանուն: Չեխերն այդ հանդիպումը շահեցին՝ գրեթե ոչինչ չանելով: Բայց այդ երեկո խաղադաշտում, բացի չեխերից, ուրիշ մարդիկ էլ կային, որ անգործության էին մատնված (ամենայն հավանականությամբ՝ սեփական կամքով): Դե պարապուրդի մատնված այդ ֆուտբոլիստների հայտնվելը հայտացուցակում՝ ու առավել ևս խաղադաշտում՝ պայմանավորված է միայն որոշակի նպատակներով ու որոշների ցանկությամբ: Փաստորեն՝ շատ մեծ է հավանականությունը, որ օգոստոսի 6-ի երեկոյան նույն հանգամանհները գործի դնեն իրենց մոգական ուժն ու աշխատեն՝ նկատելիորեն Հայաստանի, իսկ շոշափելիորեն Չեխիայի օգտին:
Ինտրիգի պահպանման մեթոդ- Որքան մեծ լինի ֆուտբոլային հանդիպան ինտրիգը, այնքան մեծ են ասոցիացիաների, թիմերի կամ անձանց եկամուտները: Օրինակ՝ Անգլիայի գավաթի խաղարկությունում հետևյալ մեդոդն է գործում՝ հաղթողը որոշվում է մեկ խաղի արդյունքով, սակայն եթե հանդիպումն ավարտվում է ոչ-ոքի, ապա այն վերախաղարկվում է: Էլի մեկ հանդիպում, էլի ինտրիգ, էլի լեփ լեցուն մարզադաշտ, էլի վաճառված տոմսեր ու էլի փող:
Այս ագահ մթնոլորտում բոլորն անխտիր ունեն իրենց մասնակցությունը, բացառություն չեն նաև Հայաստանն ու Չեխիան: Ժամանակին մենք հաղթանակ պարգևեցինք Չեխերին ու նրանց համար ինտրիգ պահպանեցինք, հիմա եկել է ժամանակը «պարտքը վճարելու»: