Իտալիայի Սարդինիա կղզու Պերդասդեֆոգու քաղաքի Օլյաստրա արվարձանում է բնակվում առայսօր աշխարհին հայտնի ամենատարեց Մելիս ընտանիքը, գրում է Italia-ru.-ն: Ընտանիքի 9 անդամների ընդհանուր տարիքը 818 տարի է: Երկարակյացների ընտանիքն իրենց բացարձակ ռեկորդն ապացուցող փաստաթուղթ է ստացել Գինեսի ռեկորդների գրքի ներկայացուցիչներից մի քանի օր առաջ, որով էլ ավարտվել են գրքի` 7 տարի աշխարհի 5 տարբեր մայրցամաքներում ամենաերկարակյաց ընտանիքի փնտրտուքները: Ընտանիքի ամենատարեց անդամը 105-ամյա Կոնսոլատե Մելիսն է, որին հաջորդում են նրա քույրերն ու եղբայրները` 99-ամյա Կլաուդիան, 97-ամյա Մարիան, 93-ամյա Անտոնիոն, 91-ամյա Կոնչետան, 89-ամյա Ադոլֆոն, ով, ի միջիայլոց, առայսօր աշխատում է բարում, այնուհետև գալիս է 81-ամյա Վիտալիան և ընտանիքի ամենաերիտասարդ անդամը` 78-ամյա Մաֆալդան: Բոլոր 9 անդամներից իրեն ամենաերջանիկը համարում է ավագ քույրը` Կոնսոլատան, քանի որ ունի 9 զավակ, 24 թոռ, 25 ծոռ և 4 կոռ: |