1. «Գեղեցկությունը կարևոր չի. կարևորը հոգին է» կամ «Փողը կարևոր չի. կարևորը հոգին է»: Եթե աղջկանից նման բան ես լսում, ուրեմն հավանաբար վերջերս նրան մի բրեդպիտ կամ բիլգեյթս է լքել: Եվ աղջիկը ժամանակավորապես իրեն տվել է փիլիսոփայական մտորումներին: Բայց շատ մի ոգևորվիր՝ «Այն կինը, որ մի անգամ զգացել է ավտոմեքենայի նստարանի շքեղությունը, քեզ հետ տրոլեյբուսով չի երթևեկի»: Ուստի վերքերը լիզելուց հետո նա կրկին կանցնի գեղեցիկ/հարուստ ընկերոջ փնտրտուքներին: Թարգմանություն. «Տղամարդը պետք է լինի հարուստ և գեղեցիկ»:
2. «Ուշոտ զանգի էլի» Հեռախոսային դասական ցրում: Եթե աղջիկը չի ցանկանում առերես ասել, որ չի ուզում քեզ հետ շփվել, նա հենց դա է ասում: Դուք զանգում եք, և ամեն անգամ պարզվում է, որ նա կա՛մ հյուր է գնացել, կա՛մ քնում է, կա՛մ էլ նոր է արթնացել: Թարգմանություն. «Ես քեզ հետ հեռախոսով խոսելուց ավելի լուրջ գործեր ունեմ»: 3. «Դու ինձ համար ընկեր ես» կամ «Դու ինձ եղբոր պես ես» Երևի ամեն տղայի կյանքում եղել է նման իրավիճակ: Սիրահետում ես աղջկան, նրան նվերներ անում, ծաղիկներ նվիրում, իսկ սրիկան օրերից մի օր կանգնում է և ասում. «Դու ինձ համար շատ լավ ընկեր ես»: Թարգմանություն. «Դու բավարար լավը չես ինձ համար»: 4. «Ես պատրաստ չեմ լուրջ հարաբերությունների» Այս արտահայտությունը կարող է հաջորդել 1-ին կետի արտահայտությանը, եթե դուք խաբնվեք հոգու գեղեցկության մասին մտորումներին և ցույց տաք ձեր ներաշխարհի հարստությունը՝ մոռանալով արտաքին հարստության մասին: Թարգմանություն. «Դու ոչ գեղեցիկ ես, ոչ էլ հարուստ, էլ ինչի՞ս ես պետք»: 5. «Ամեն մեկն իրավունք ունի անձնական կյանք ունենալու» Սա ցրումների ցրումն է: Այս իրավունքը տրված է միայն կանանց: Քանի որ անձնական կյանքով կինը խորհրդավոր արարած է: Թարգմանություն. «Պարտադիր չի, որ տղամարդիկ ամեն ինչ իմանան» կամ «Քիթդ մի խոթիր իմ գործերի մեջ»:
|